Ջինսե տաբատների տարածված մոդելները (ՄԱՍ 2)

Ջինսե տաբատների տարածված մոդելները (ՄԱՍ 2)

2020-10-22 12:01:48

Զաքարյան ջինսերի բլոգի ընթերցողներն արդեն հասցրել են ծանոթանալ ջինսերի մոդելների բազմազանությանը, դրանց առաձնահատկություններին և իրենց կազմվածքին ամենաշատը համապատասխանող տաբատի ընտրության հնարքներին: Ինչպես խոստացել էինք մեր նախորդ բլոգերից մեկում՝ այսօր կներկայացնենք ջինսերի ևս մի քանի տարածված մոդելներ, որպեսզի գնորդները կարողանան տարբերել դրանք և կատարել լավագույն ընտրությունը: Հիշեցնենք, որ ջինսերի տեսականու մեջ արագ կողմնորոշվելու հարցում կօգնեն հետևյալ պարամետրերը՝

  • Rise – տաբատի գոտկատեղի բարձրությունը,
  • Fit – տաբատի՝ մարմինն ուրվածգելու ձևը,
  • Cut – տաբատի լայնությունը:

CULOTTES

Сulottes ֆրանսիական անվամբ այս տաբատները լայն են և կարճեցված փողքերով: Այս մոդելն առաջացել է դեռևս 18-րդ դարում, և սկզբում այն կրել են միայն տղամարդիկ, հետո 20-րդ դարի 60- ականներից դրանք մտել են նաև կանանց զգեստապահարան:

MOM JEANS

Զաքարյան հայկական ջինսերի խանութ-սրահների ցանցերում հաստատ հանդիպած կլինեք այս մոդելների բազմազանությանը: Սրանք ունիվերսալ տաբատներ են՝ ազատ նստվածքով և բարձր գոտկատեղով: Այս մոդելը դարձավ 1980-ականների վերջի, 90-ականների սկզբի ակտիվ և պրակտիկ կանանց ամենասիրելին: Այս սերունդը մեծացրեց այն երեխաներին, որոնք մոդելը անվանեցին հենց իրենց մայրերի պատվին: Հարմարավետությունն ու չպարտադրող ոճը դարձան տնային տնտեսուհիների ֆավորիտը, իսկ հետո այն տարածվեց բոլոր կանանց շրջանում: Անգամ սուպերմոդել Քեյթ Մոսսն էր կրում Mom jeans: Այսօր այս մոդելը կրկին նորաձև է շնորհիվ բարձր գոտկատեղով ազատ ջինսերի պոպուլյարության: Այն, բացի հարմարավետ լինելուց, ավելի բարձրահասակ է ցույց տալիս և թաքցնում է ավելորդ քաշը:

BOOT CUT

Այս մոդելները լայնանում են ծնկից ներքև և իրենց անվանումը ստացել են այն հատկության շնորհիվ, որ կարիք չի եղել դրանք մտցնել երկարաճիտ կոշիկների մեջ: Ի սկզբանե այս տաբատները նախատեսված էին ամերիկացի աշխատավորների և կովբոյների համար, իսկ այսօր այս մոդելները կրում են կազմվածքն ընգծելու և ոճային լուք ստանալու համար: Այս մոդելի միջոցով կարող եք բարձրացնել հասակը, քանի որ բարձրակրունկ կոշիկները թաքնվում են լայնացող փողքերի տակ, և թվում է, թե դա կնոջ բնական հասակն է:

FLARE CUT

Տաբատների այս մի տեսակը նախորդ boot cut տարբերակից տարբերվում է առավել արտահայտված լայնացումով: Flare cut մոդելը տարածված էր 20-րդ դարի 60-ականներին հատկապես երիտասարդ հիպպիների շրջանում, այնուհետև խորհրդային շրջանում դրանք շատ սիրվեցին ոճային ու համարձակ կերպարների կողմից: Լայնացող մոդելները պարբերաբար նորաձև են դառնում՝ ըստ ժամանակի պահանջի կրելով որոշակի փոփոխություններ: Օրինակ՝ որոշ ժամանակ առաջ ակտուալ դարձան կարճ ու լայն փողքերը, որոնք ավելի թեթև տեսք ունեն, քան երկար տաբատները:

WIDE LEG  Կոնքերի հատվածից լայնացող այս մոդելը ևս նորաձևություն է մտել նախորդ դարում: 2013 թվականին մոդելյեր Ստելլա Մքքարթնին իր հավաքածուի մեջ ներառեց լայն տաբատների մի ողջ բազմազանություն: Wide leg մոդելների առավելությունն այն է, որ դրանք կարողանում են թաքցնել ոտքերի թերությունները ու ստեղծել յուրահատուկ համադրություններ զգեստապահարանի այլ տարրերի հետ համադրելիս: Որպեսզի լայն տաբատի հետ ստացվի նուրբ համադրություն, հարկավոր է այն կրել ընդգծող բոդիների ու ջեմպեռների հետ:

Հուսանք՝ մեր թվարկած մոդելները ընթերցողներին կօգնեն ավելի հեշտ ընտրություն կատարել, իսկ ամբողջական ցանկին կարող եք ծանոթանալ նաև այս նյութի առաջին մասի  միջոցով: Ջինսերի մոդելների բազմազանության և որակի մեջ համոզվելու համար բոլորին հրավիրում ենք՝ զարկ տալու հայրենական արտադրությանը: Զաքարյան ջինսերի խանութ-սրահներ կարող եք այցելել հետևյալ հասցեներով՝

Երևան Մոլ 1-ին հարկ, Yerevan Gallery⠀

ք․ Գյումրի, Խրիմյան Հայրիկ 46⠀

ք․ Արտաշատ, Երևանյան 1գ⠀

ք. Ապարան Մ. Բաղրամյան 47/1

Հիիշեցնենք, որ մեր տեսականուն կարող եք ծանոթանալ նաև օնլայն, օրինակ՝ կանանց տաբատների տեսականին կգտնեք՝ անցնելով այս հղումով

Այլ Նորություններ

Ճիշտ ջինսի ընտրության 7 ունիվերսալ խորհուրդ

2020-07-31 10:29:07

Ջինսերը ունիկալ տարր են ինչպես տղամարդկանց, այնպես էլ կանանց զգեստապահարանում: Այս հագուստը հարմարավետ է և դիմացկուն, ոճային է ու հարմար բոլոր եղան

Կարդալ ավելին

Lifehacks jeans (Մաս 1)

2020-04-23 08:53:52

Ամեն ասպարեզում մարդիկ անընդհատ գտնում են նորամուծություններ, որոնք միտված են հեշտացնելու կյանքը, ու այսօր մեր առօրյայում կատարվող սովորական գործող

Կարդալ ավելին

«Զաքարյան» ընկերությունը վարչապետին ջինսե տաբատ նվիրեց

2019-07-23 08:19:47

«Զաքարյան» ընկերությունն 20.07.2019 -ին «Իմ քայլը հանուն Շիրակի մարզի» բիզնես համաժողովի շրջանակներում կազմակերպված էքսպո-ցուցահանդեսի ժամանակ վարչ

Կարդալ ավելին