Այսօր ջինսերը դադարել են լինել պարզապես դենիմից պատրաստված միատիպ տաբատներ, ընտրության լայն հնարավորությունը թույլ է տալիս գնել մոդել կյանքի ցանկացած իրավիճակի համար՝ հնարավորինս ընդգծելով կազմվածքը: Տեսականու մեջ արագ կողմնորոշվելու համար հարկավոր է հիմնվել 3 բնութագրիչի վրա՝

Rise – գոտկատեղի բարձրությունը,

Fit – ուրվագիծը,

Cut – լայնությունը:

Եկեք քննարկենք մոդելների ամենատարածված տեսակները, որոնք,իհարկե, կարող եք գտնել հայկական արտադրության 

Զաքարյան ջինսերի խանութ-սրահների ցանցում:

ՈՒՂԻՂ

Regular կամ classic fit սա 150 տարի առաջ ստեղծված ամենաառաջին մոդելի տեսքն էր՝ դասական, ուղիղ ուրվագծերով: Համապատասխանում է ցանկացած կազմվածքի, չափավոր ազատ է: Զաքարյանի մոդելների շարքում ևս կգտնեք regular fit մոդելների բազմազանություն, և Ձեզ կմնա ընտրել միայն գույնն ու չափը, հիշեցնենք նաև ձեռագործ մոդելների մասին:

ԲՈՅՖՐԵՆԴ

Կանանց համար ստեղծված այս մոդելը թողնում է պատահմամբ հագած տղամարդու տաբատի տպավորություն, դրանով էլ պայմանավորված է անվանումը: Հայտնիներից առաջինը որոշեց այս մոդելը կրել հոլիվուդյան դերասանուհի Քեթի Հոլմսը 2008 թվականին, ինչից հետո երկրպագուները սկսեցին մասսայական կերպով կրկնօրինակել նրա ոճը:

SLIM FIT

Slim fit – ամբողջ երկարությամբ նեղ մոդելներն են: Իսկ երբ նեղ է միայն ներքևի հատվածը, մոդելը կոչվում է tapered cut: Սլիմը ընդգծում է ողջ ուրվագիծը, բայց չի ձգում այն: Այս մոդելը ոտքերն ավելի երկար է ցույց տալիս: Երբ 2004 թվականին Քեյթ Մոսսը սկսեց կրել այս տաբատը, այն միանգամից լայն տարածում գտավ կանանց, իսկ տարիներ անց նաև տղամարդկանց շրջանում:

SKINNY FIT

Շատ նեղ, կազմվածքը ընդգծող ջինսեր, որոնց կազմի մեջ էլաստիկ թելեր են ավելացվում: Սքիննի ջինսերը կրկնում են մարմնի բոլոր կորերը, դրա համար էլ ստացել են երկրորդ մաշկ անվանումը: Ճիշտ համադրություններ ընտրելու դեպքում գեղեցիկ կլինեն ցանկացած կազմվածքի համար:

ՋԵԳԳԻՆՍ

Jeggings – ը անգլերեն ջինս և լեգինս բառերի ամբողջությունն է: Սա միջանկյալ դիրք ունի հենց այդ երկու տաբատների միջև, ստեղծվել է 2000 թվականին: Ջեգինսները կարվում են բարակ, էլաստիկ ջինսային կտորից և շնորհիվ լայն գոտու, կոճակների և շղթայի բացակայության դրանք շատ հեշտ է հագնելը անգամ եթե չափը մի քիչ փոքր է:

ՋՈԳԵՐ

Ջինսերի թույլ մոդել է, որի ներքևի հատվածում` փողքերին, ձգվող գոտի է: 2010 թվականի սկզբում, երբ նորաձև դարձավ սպորտային ոճը, ֆիթնեսի համար նախատեսված սպորտային տաբատները դուրս եկան մարզասրահներից և հասան պոդիում: Այս մոդելները շատ հարմարավետ են, հեշտությամբ թաքցնում են կազմվածքի թերությունները, գեղեցիկ համադրություն են կազմում թե՛ սպորտային, թե՛ ամենօրյա հագուստի հետ:

Ունե՞ք արդյոք այս մոդելներից Ձեր զգեստապահարանում, թե՞ դեռ չեք հասցրել փորձել: Բոլոր նրանց, ովքեր նախընտրում են ոճային բազմազանությունը, բարձր որակն ու ընդունելի գները, հրավիրում ենք Զաքարյան ջինսերի խանութ-սրահներ՝ հայրենական արտադրության    գլխապտույտ տեսականուն ծանոթանալու համար: Մեր հասցեները՝

Ք․ Երևան , Երևան Մոլ, 1-ին հարկ

Ք․ Գյումրի, Խրիմյան Հայրիկ, 46

Ք. Արտաշատ,Երևանյան փող. 1գ

ք.Ապարան Մ.Բաղրամյան 47/13

Իսկ մեր հավատարիմ ու հետաքրքրասեր հետևորդներին ուղղորդենք դեպի մեկ այլ հետաքրքիր նյութ՝ «Ինչպե՞ս խնամել ջինսը, որպեսզի այն երկար ծառայի», և շարունակեք հետևել մեր բլոգին, քանի որ ներկայացնելու ենք ավելի շատ մոդելներ: