Ճիշտ ջինսի ընտրության 7 ունիվերսալ խորհուրդ

Ճիշտ ջինսի ընտրության 7 ունիվերսալ խորհուրդ

2020-07-31 10:29:07

 

Ջինսերը ունիկալ տարր են ինչպես տղամարդկանց, այնպես էլ կանանց զգեստապահարանում: Այս հագուստը հարմարավետ է և դիմացկուն, ոճային է ու հարմար բոլոր եղանակին կրելու և ցանկացած լուքի հետ համադրելու համար, ուստի Զաքարյան ջինսերի այսօրվա բլոգում կքննարկենք ևս մի քանի խորհուրդ, որոնք կօգնեն ընտրել հենց այն ջինսը, որն իդեալական է Ձեզ համար:

Ջինսը ժամանակակից դասականն է

Ջինս ընտրելիս մի՛ հիմնվեք այն տեսակի վրա, որը նորաձև է: Այսօր մոդային համարվող բարձր գոտկատեղով նեղ սքինի մոդելները կարող են ընդհանրապես չհամապատասխանել Ձեր կազմվածքին: Ջինսը երկարաժամկետ հատվածում եք կրելու, ուստի մոդելների բազմազանությունից ընտրեք հենց այն, որը Ձեզ սազում է: Հիշեք, որ առօրյա casual ոճի համար ջինսը դասական ընտրություն է, երկար մտածեք ընտրություն կատարելիս:

Հաշվի առեք՝ ջինսը ձգվող է

Ջինսը կարվում է դենիմ կոչվող էլաստիկ կտորից, ուստի երբ առաջին անգամ տաբատը մի քիչ փոքր է թվում և շարժվելիս անհարմար է, վստահ եղեք, որ չափն աստիճանաբար մեծանալու է: Շատերը մի փոքր կիպ ջինսից հրաժարվում են՝ ընտրելով մեկ չափ ավելի մեծ, սակայն այդ պարագայում մի քանի անգամ կրելուց հետո ջինսը մեծանալու է և կորցնի ձևը: Սրանից խուսափելու համար պետք է ընտրել մի փոքր ավելի կոշտ կտորից կարված կիպ տաբատներ, եթե ցանկանում եք երկար կրել հագուստը:

Ընտրում ենք ճիշտ չափ

Կա ջինսի ճիշտ չափը գտնելու պարզ ձև: Եթե 1-2 մատ տեղավորվում է ձեր մեջքի և տաբատի գոտու արանքում, ապա ջինսը Ձեր հագով է: Եթե տեղավորվում է 3 մատ և ավելի, ապա այդպիսի տաբատը կոնքերն ավելի լայն է ցույց տալու: Եթե մատները չտեղավորվեն, ապա անգամ եթե կարողացել եք հագնել տաբատը, հետագայում այն շարժվելիս անհարմար է լինելու:

Քայլ առաջ

Ուշադիր եղեք, որպեսզի ջինսը ընդգծի մարմնի բոլոր ուրվագծերը, քանի որ քայլելլու արդյունքում կտորը սկսելու է թուլանալ, ինչի հետևանքով որոշ ժամանակ անց կլայնանան տաբատի հենց այն հատվածները, որոնք ձգվում են քայլելու արդյունքում: Տաբատ փորձելիս անպայման փորձեք քայլել դրանով և ստուգել՝ նորմա՞լ է արդյոք նստում կտորը Ձեզ վրա:

Ուղղում ենք կազմվածքը ջինսի միջոցով

Հայտնի է, որ ճիշտ ընտրված ջինսը թաքցնում է թերություններն ու ընդգծում առավելություններ: Օրինակ՝ ոտքերը կարելի է շտկել լայնացող տաբատներով՝ պարզապես ընտրելով այն հատվածը, որից ցանկանում ենք, որպեսզի սկսի լայնացումը: Նեղ կոնքեր և երկար ոտքեր կարելի է ստանալ՝ ընտրելով բարձր գոտիով տաբատ: Եթե զգում եք, որ կազմվածքը կորցնում է կոր ուրվագծեքը տաբատի մեջ, ապա կարող եք պարզապես ընտրել տվյալ հատվածներում դեկորով ջինսեր: Եթե ցանկանում եք կազմվածքին ծավալ հաղորդել, կօգնեն գրպաններով, կայծակաճարմանդներով ու շղթաներով տաբատները:

Երկար փողքերը խնդիր չեն

Ցածրահասակ մարդիկ հաճախ են բողոքում, որ ջինսերի մեծ մասը կարված է բարձրահասակների համար, ու փորձում են իրենց հարմար մոդելներ գտնել կարճացված տարբերակների միջից: Կարիք չկա սահմանափակելու ընտրությունը, քանի որ փողքերը ցանկացած դերձակ կարողանում է կարճացնել ընդամենը 15 րոպեում, բացի այդ՝ տաբատն ինքնուրույն կարճացնելու շատ նորաոճ մեթոդներ կան: Մի՛ հրաժարվեք Ձեզ սազող տաբատից միայն այն պատճառով, որ փողքերը երկար են:

Բազմազանություն

Ժամանակակից շուկան առաջարկում է գնորդներին ջինսերի ամենատարբեր մոդելներ՝ գունավոր, պատռված, զարդանախշերով, ասեղնագործություններով, գրպաններով, շղթաներով և այլն: Անկախ ճաշակից ու ընտրությունից անպայման խորհուրդ ենք տալիս ընտրել 1 դասական ջինսե տաբատ առանց նախշերի: Կյանքի գրեթե բոլոր իրադարձությունների համար կարելի է գտնել համապատասխան ջինսե հագուստ, դրա համար պարզապես պետք է այցելել հայկական արտադրության ջինսերի Զաքարյան խանութ-սրահներ հետևյալ հասցեներով՝

Ք․ Երևան , Երևան Մոլ, 1-ին հարկ 

Ք․ Գյումրի, Խրիմյան Հայրիկ, 46

Ք. Արտաշատ,Երևանյան փող. 1գ

ք.Ապարան Մ.Բաղրամյան 47/13

Իսկ եթե ձեզ հետաքրքրում է՝ որոնք են 5 ամենատարածված սխալ պատկերացումները ջինսերի մասին, անպայման ընթերցնեք նաև մեր նախորդ նյութերից մեկը՝ 5 առասպել ջինսերի մասին :

 

Այլ Նորություններ

Մեր խանութ - սրահի բացումը Երևան Մոլում

2019-10-24 07:52:14

Վերջապես Երևանում՝ Երևան Մոլլում բացվեց մեր առաջին խանութ - սրահը։Խանութը տեղակայված է առաջին հարկում Երևան Գալերիա հատվածում։Բացման

Կարդալ ավելին

«Զաքարյան» ընկերությունը վարչապետին ջինսե տաբատ նվիրեց

2019-07-23 08:19:47

«Զաքարյան» ընկերությունն 20.07.2019 -ին «Իմ քայլը հանուն Շիրակի մարզի» բիզնես համաժողովի շրջանակներում կազմակերպված էքսպո-ցուցահանդեսի ժամանակ վարչ

Կարդալ ավելին

Ինչպե՞ս ընտրել իդեալական ջինսեր

2020-03-12 12:58:09

Ուշադիր զննի՛ր ինքդ քեզ, ընթերցի՛ր մեր խորհուրդներն ու սկսի՛ր փնտրել քո իդեալական ջինսը, և կհամոզվես, որ այն ինքը շատ արագ կգտնի քեզ: Ամենակարևոր խ

Կարդալ ավելին