«Զաքարյան» ընկերությունն 20.07.2019 -ին «Իմ քայլը հանուն Շիրակի մարզի» բիզնես համաժողովի շրջանակներում կազմակերպված էքսպո-ցուցահանդեսի ժամանակ վարչապետ Նիկոլ Փաշինյանին ջինսե տաբատ նվիրեց։ Վարչապետը խոստացավ փորձել՝ նշելով, որ ինքը փորձում է հիմնականում հայկական արտադրության հագուստներից օգտվել։

Հիշեցնենք, Գյումրիում մեկնարկել է «Իմ քայլը հանուն Շիրակի մարզի» բիզնես համաժողովը, որին ներկա է նաեւ ՀՀ վարչապետ Նիկոլ Փաշինյանը։ Նա  մասնակցեց էքսպո-ցուցահանդեսին, որտեղ 60-ից ավելի տաղավարներ պատմում և ներկայացնում են Շիրակի մարզում և Գյումրիում գործունեություն ծավալող 6 տասնյակի հասնող կազմակերպությունների և անհատների կողմից ներկայացվող արտադրանքների և ծառայությունների մասին: