Ինչպե՞ս խնամել ջինսը, որպեսզի այն երկար ծառայի

Ինչպե՞ս խնամել ջինսը, որպեսզի այն երկար ծառայի

2020-04-16 11:29:13

Նկատե՞լ եք, որ անգամ եթե 2 հոգով նույն խանութից գնել եք նույն ջինսը, մեկիդ մոտ այն ծառայում է տարիներ շարունակ, իսկ մյուսի մոտ արագ հնամաշ տեսք է ստանում, կորցնում ձևը, գույնը: Եթե այլ պարագաներում կարող էինք ասել, որ խնդիրը որակի մեջ է, ապա այստեղ արդեն պարզ է դառնում, որ պատճառը սխալ խնամքն է: Այսօր մենք ձեզ հետ կկիսվենք խորհուրդներով, որոնք կօգնեն երկարացնել ջինսի կյանքը: Քանի որ Զաքարյան ջինսերը ստացվում են որակյալ և դիմացկուն հումքից, ձեզ կմնա միայն իմանալ՝ ինչպես դրանք ճիշտ լվանալ, չորացնել և արդուկել:

Լվանալու գործընթաց

Ջինսերը ամբողջ աշխարհով մեկ արագ տարածվեցին շնորհիվ կտորի դիմացկունության և երկարակեցության: Իսկ դուք գիտե՞ք, որ պետք չէ ջինսը մյուս տաբատների նման հաճախ լվանալ: Բավարար է 4-5 անգամ հագնելուց հետո լվանալը: Ասենք ավելին՝ լվանալ հնարավոր է ավելի ուշ- ուշ՝ փոխարինելով դա մաքրման այլ եղանակներով: Կան մարդիկ, ովքեր տանել չեն կարողանում ջինսը հագնել լվանալուց հետո, քանի որ կտորը կոշտանում է, չափը՝ փոքրանում, իսկ գույնը գնալով թափվում: Արդյո՞ք արժե փոքրիկ աղտոտվածության համար լվանալ ջինսե հագուստի. իհարկե ոչ: Պարզապես հարկավոր է թրջել խոհանոցային անձեռոցիկը կամ էլ պարզապես լոգանք ընդունելու ընթացքում լոգարանում կախել տաբատը, այնուհետև մաքրել չոր անձեռոցիկով: Այս խորհուրդը գուցե շատերին շոկի ենթարկի, բայց ջինսի «գլխավոր, հիմնական լվացումը» կարելի է կազմակերպել անգամ 2-5 ամիսը մեկ անգամ՝ կախված նրանից, թե որքան հաճախ եք այն կրում, ընդ որում՝ պետք է ոչ թե լվացքի մեքենա օգտագործել, այլ լվանալ ձեռքով: Սա է՛լ ավելի կերկարացնի ձեր ջինսի կյանքը:

Լվացքի ժամանակ պետք է օգտագործել սենյակային ջերմաստիճանի ջուր և ոչ ագրեսիվ, փափուկ մաքրող միջոցներ: Եթե ջինսը գույնը մուգ է, կարող եք մի փոքր սպիտակ քացախ ավելացնել, որը կպաշտպանի կտորը գունաթափումից:

Ինչպե՞ս լվանալ ջինսը

  • Լվանալուց առաջ ուշադիր կարդացեք պիտակի վրա գրվածը, այնտեղ միշտ նշվում է՝ ինչպես է պետք ճիշտ խնամել հագուստը:
  • Նախքան լվալն անպայման շրջեք ջինսը:
  • Օգտագործեք լվացման փափուկ միջոցներ:
  • Լվացեք սառը կամ գոնե սենյակային ջերմաստիճանի ջրով: Առհասարակ չի կարելի ջինսը լվանալ 30–40 °C-ից բարձր ջերմաստիճանով:
  • Ինչպես նշեցինք՝ լավագույնը ձեռքով լվալու տարբերակն է, սակայն եթե որոշել եք մեքենայով լվանալ, ընտրեք մեղմ ռեժիմ:
  • Որոշ դեպքերում, օրինակ՝ երբ ջինսը մուգ գույնի է, խորհուրդ է տրվում չոր մաքրման դիմել:
  • Պետք չէ լվանալուց հետո ջինսը քամել:
  • Եվ ինչպես սկզբում էինք նշել՝ մի՛ լվացեք ջինսն ամեն հագնելուց հետո, դրա հետևանքով այն շա արագ կմաշվի:

Չորացնելու գործընթացը

Ջինսը ճիշտ է չորացնել ոչ թե կախված վիճակում, այլ հորիզոնական դիրքով: Կամ էլ եթե չկա նման հնարավորություն, կախեք դրանք պարանից՝ ոտքերի հատվածը դեպի վեր: Եթե ստիպված եք ջինսը չորացնող սարքավորման միջոցով չորացնել (որը ընդհանրապես ցանկալի չէ), ապա անպայման պետք է օգտագործել նվազագույն ջերմաստիճանը:

Արդուկելու գործընթացը

Այս ամբողջ ընթացքում ջինսը պետք է պահել շրջած վիճակում, արդուկելիս՝ ևս: Կտորը մի փոքր խոնավություն պետք է ունենա, որպեսզի լավ արդուկվի: Կան արդուկներ, որոնցում հատուկ ռեժիմ կա՝ նախատեսված հենց ջինսերի համար, ուստի նախ ստուգեք՝ ունի՞ արդյոք Ձեր արդուկն այդ հնարավորությունը: Եթե չունի՝ ոչ մի խնդիր. պարզապես արդուկը դրեք ցածր ջերմաստիճանի վրա, կարող եք օգտագործել նաև գոլորշին:

Դե ինչ, արդեն դուք լավ գիտեք՝ ինչ անել, որպեսզի ջինսը երկար ծառայի, և հիմա ճիշտ ժամանակն է նոր ջինս ընտրելու և նոր ձևով այն խնամելու համար: Հայկական արտադրության Զաքարյան ջինսերի խանութ-սրահների ցանցն առաջարկում է եվրոպական որակ ու նորաձևություն աննախադեպ ցածր գներով: Մեր տեսականուն կարող եք ծանոթանալ՝ անցնելով հետևյալ հղումներով.

Տեսականի կանանց համար

Տեսականի տղամարդկանց համար

Իսկ պատվեր և առաքում գրանցելու համար հարկավոր է ընտրել ջինսն ու կապ հաստատել մեզ հետ մեր ֆեյսբուքյան կամ ինստագրամյան էջերի միջոցով: Մաղթում ենք հաճելի գնումներ:

Այլ Նորություններ

Ջինս՝ միշտ նորաձև բոլորի համար

2020-02-18 11:49:10

Նորաձևությունը քմահաճ և անկանխատեսելի է: Նրան հաճեցնելը դժվար է, երբեմն էլ ՝ անհնար: Այսօր մոդայիկ համարվող հանգիստ գույներով գործվածքներ

Կարդալ ավելին

5 առասպել ջինսերի մասին

2019-07-23 08:20:33

Նորաձևության մեջ կարծրատիպերն առաջանում ու վերանում են նույնքան արագ, որքան արագ փոփոխվում են արտարժույթի փոխարժեքները: Այս բլոգում կներկայացնենք ջ

Կարդալ ավելին

Մեր խանութ - սրահի բացումը Երևան Մոլում

2019-10-24 07:52:14

Վերջապես Երևանում՝ Երևան Մոլլում բացվեց մեր առաջին խանութ - սրահը։Խանութը տեղակայված է առաջին հարկում Երևան Գալերիա հատվածում։Բացման

Կարդալ ավելին