Հայկական զարդանախշերը նորաձևության մեջ

Հայկական զարդանախշերը նորաձևության մեջ

2020-10-22 07:36:46

Նորաձևությունը ամեն անգամ նոր էջից չի առաջանում, այլ ի հայտ են գալիս հնում կիրառված և անգամ լրիվ մոռացված տարրեր, որոնք, ստանալով նոր շունչ, շատ արագ սիրվում ու տարածվում են մարդկանց շրջանում: Այժմ լայն կիրառություն ունեցող նորաձև դետալներն իրականում շատ հին պատմություն ունեն ու արտացոլում են մեր մշակույթն ու էությունը: Զաքարյան ջինսերի այսօրվա բլոգում մեր ընթերցողներին կներկայացնենք հայկական զարդանախշերի մասին մեր պատրաստած նյութը ու կհիշեցնենք նաև մեր ձեռագործ տեսականու մասին:

Շնորհիվ մեր՝  հազարամյակների պատմություն ունեցող մշակույթի առանձնահատկությունների՝ հայկական զարդարվեստը մշտապես եղել է թե՛ հայ, թե՛ օտարազգի մշակութաբանների ուշադրության կենտրոնում: Երբ հայերը կարողանում էին փոքր գրքերի էջերը զարդարել մանրանկարներով, քարի վրա փորագրել ասեղնագործության նման մանրակրկիտ պատկերներ՝ յուրաքանչյուր նախշի մեջ իմաստ ներդնելով, աշխարհի երեսին դեռ շատ ազգեր անգամ գոյություն չունեին: Զարդանախշերի պակաս մեր արվեստը չի ունեցել, և այս ոլորտի հին արմատները միշտ զարմացրել են անգամ ամենափորձառու մասնագետներին: 

Առհասարակ, ամեն ժողովուրդ էլ ստեղծել է իր զարդանախշերը՝ հիմնվելով ավանդույթների, սովորույթների ու դիցաբանության վրա, և հիմա դրանք վերհիշելու ամենատարածված ձևերն են հագուստը, զարդերը և աքսեսուարները: Հայկական զարդանախշերը հատկապես տարազի վրա պատահական տեղերում չեն դրվել, այլ ասենագործվել են այնտեղ, որ հատվածը պետք է պաշտպանեն: Հատկապես ընդգծվում էր օձիքի, կրծքի հատվածը, ձեռքերի ու կողային բացվածքների եզրերն ու քղանցքը: Զարդանախշերի ծագումը գրեթե միշտ եղել է բուսական: Հատուկ նրբությամբ, ոսկեգույն և արծաթագուն թելերով էր ասեղնագործվում հարսանեկան շապիկը: Հատուկ զարդամոտիվներ են օգտագործվել գոգնոցների, անկողնապարկեր, աղաքսակների, խուրջիներ և այլ պարագաների վրա՝ Վանի, Վասպուրականի, Մեծ Հայքի, Արցախի, Զանգեզուրի տարազային համակարգերում: 

Մեզ մոտ մենահայտնի և տարածված զարդանախշերից են խաչի սիմվոլը, հայերեն մեծատառ «Տ»-ն հիշեցնող զարդանախշը, կենաց ծառը (հաճախ ստանում է ծաղկամանի, ուռենու տեսք), վեցանկյուն ռոմբերը, աստղերը (հատկապես վեցանկյուն), թռչնի պատկերները, կեռերը:

Տարիների ընթացքում անգամ օտար ազգերից վերցված փոխառությունները ենթարկվել են փոփոխությունների՝ հարմարեցվելով մեր մշակույթին գույներին և նախշերին: Իսկ մեր օրերում դիզայներները կարողանում են ապացուցել, որ ազգայինն ու նորաձևը կարող են լիարժեք քայլել իրար կողքով և լրացնել միմյանց: Ընդ որում՝ մեր զարդանախշերը ժամանակակից շունչ են ստացել ոչ միայն հայ, այլև համաշխարհային ճանաչում ունեցող օտարազգի մասնագետների շնորհիվ: Մեր նախշերի՝ միշտ ակտուալ լինելու մեջ մեր հաճախորդներն էլ են համոզվել՝ տեսնելով հայկական արտադրության Զաքարյան ջինսերի ու  զարդանախշերի համադրությունը՝ նորաձև, նրբաճաշակ ու ազգային շնչով հարուստ: Ձեռագործ ջինսերի մեր տեսականուն կարող եք ծանոթանալ՝ այցելելով մեր Ֆեյսբուքի և Ինստագրամի էջեր:

Այլ Նորություններ

Զաքարյան ջինսերի խանութ-սրահ Սայաթ-Նովա 23 հասցեում

2021-02-18 09:07:25

Ընդամենը 2019 թվականի հուլիսն էր, երբ Գյումրիում բացվեց հայկական արտադրության Զաքարյան ջինսերի խանութ-սրահը: Երբ հաճախորդների ականջին անգամ անսովոր

Կարդալ ավելին

«Զաքարյանը» Հայաստանում ջինսերի արտադրության նոր բրենդ է:

2019-07-18 12:28:56

«Զաքարյանը» Հայաստանում ջինսերի արտադրության նոր բրենդ է:Բազմաթիվ անգամ ուսումնասիրելով շուկայի հնարավորությունները, ինչպես նաև ապրանքի պահա

Կարդալ ավելին

«Զաքարյան» ընկերությունը վարչապետին ջինսե տաբատ նվիրեց

2019-07-23 08:19:47

«Զաքարյան» ընկերությունն 20.07.2019 -ին «Իմ քայլը հանուն Շիրակի մարզի» բիզնես համաժողովի շրջանակներում կազմակերպված էքսպո-ցուցահանդեսի ժամանակ վարչ

Կարդալ ավելին